Stál í stál

Dagurinn byrjaði ekki vel.

Hafið þið lent í því þegar þið eruð að bursta tennurnar að tannburstinn bara flýgur allt í einu upp í augað á ykkur? Það koma fyrir mig í morgun, og það var mjög vont! Ég var samt ekki að bursta í neinum æsing, stóð bara róleg fyrir framan spegilinn þegar tannburstinn tókst á flug. Mér sveið alveg rosalega undan tannkreminu og tárin fossuðu úr auganu. Ég vissi ekki alveg hvað ég átti að gera en byrjaði að skyrpa tannkreminu sem ekki var í auganu á mér á gólfið svo ég gæti grátið án þess að allt færi niður í kok. Svo tókum við blautan þvottapoka og létum vera við augað. Sem betur fer batnaði þetta á endanum og ég komst á leikskólann á réttum tíma. En fyrir þá sem eru með jafn lélegan húmor og mamma og finnst þetta fyndið eða óskiljanlegt hvernig það er hægt að fá tannburstann í augað þá er ekki nema nokkrir cm þarna á milli, þannig að ég segi nú bara:
PASSIÐ YKKUR!!