Stál í stál

Ég fór í ferðalag með leikskólanum á miðvikudaginn. Við fórum að Lækjarbotnum en þar eiga Skátarnir bústað. Við lékum okkur allan daginn og fórum í rosa gönguferð upp á fjall. Við þurftum að fara yfir á, og það var engin brú! Við skoðuðum hella og virki og markt annað skemmtilegt. Um kvöldið grilluðum við og svo var haldin kvöldvaka. Við fengum nammi og annað gotterí og leikum leikrit. Ég var lögga og Berta var trúður. Svo voru hinir krakkarnir líka með skemmtiatriði sem við horfðum á. Við fengum að vaka lengi lengi, en svo fórum við öll í náttfötin okkar og ofan´í svefnpokana. Það voru víst allir alveg rosalega góðir og við sofnuðum öll innan við hálf tíma... ég sofnaði meira að segja áður en kvöldsagan var lesin:)

Það var haldið áfram að leika þegar við vöknuðum... og vitið þið bara hvað? við fundum fjársjóð!! Gull og steina! Þetta var alveg frábær ferð sem ég á eftir að muna lengi :)

Í morgun fékk ég að fara með mömmu og pabba að hitta ljósmóðurina. Barninu líður alveg ljómandi vel inn á maganum. En við erum öll farin að vona að það fari að láta sjá sig sem fyrst. Ég fékk að halda á tækinu sem sýnir hjartsláttinn og það er rosa gaman að heyra hjartað slá. Mamma fór síðan í blóðprufu. Mér stóð nú ekki alveg á sama og vorkendi mömmu soldið, en hún er auðvitað svo sterk og sagði að þetta væri ekkert mál.
En kannski verð ég bara orðin stóra systir eftir viku eða tvær... allavega ekki meira en þrjár!

bless, bless
Mæja

Hæ hæ... langt síðan síðast!

Ég hef verið að gera margt og mikið skemmtilegt upp á síðkastið. Ég ætla samt ekkert að fara að telja það allt upp en svona það helsta er að ég hef verið á sundnámskeiði hjá Ægi. Ég hef tekið miklum farmförum og er bara orðin nokkuð góð :) Ég er samt búin að ákveða að halda ekki áfram í sundinu næsta haust. Núna langar mig að prófa fimleika eins og Berta María vinkona mín.

Ég ætla að hætta í leikskólanum mínum um miðjan júlí, og byrja í 6 ÁRA BEKK í haust!! Ég hlakka mikið til. Ég fer í Hólabrekkuskóla sem amma er að kenna í... gæti ekki verið heppnari. En ég veit að hún verður reyndar ekki að kenna mér. Ég er smá farin að æfa mig í að skrifa og kann orðið flesta stafina.

Þó að ég sé rosalega dugleg og gáfuð stelpa þá kemur fyrir að ég segi eitthvað sem mamma hlær og hlær af. Hún ætlar að láta smá af því flakka:
Um daginn var vinkona okkar mömmu mikið lasin og ég var mikið að spá í hvað væri að henni... og spurði: mamma er hún með gubbuna, vengjulega veik eða með freknur!!! Mamma þakkar fyrir að freknur sé ekki mjög alvarleg veiki því ég er víst að fá nokkrar á nefið þessa dagana.

Svo er það þannig á leikskólanum að þegar maður platar fær maður svarta tungu. En hérna heima segist mamma bara sjá það á augunum mínum. Ég var nú fljót að sjá við henni og núna þegar ég plata þá loka ég bara augunum!!

Annars átti ég rosalega góðan dag í dag. Við fórum í Húsdýragarðinn með Birnu og Snæbirni. Skoðuðum fyrst öll dýrin og lékum okkur síðan lengi lengi í öllum tækjunum. Þegar við komum heim héldum við áfram að sóla okkur í garðinum hennar ömmu og létum renna í heitapottinn. Sævin, Adam og mamma hans og pabba komu líka og við busluðum næstum allt vatnið upp úr pottinum. Það eru víst ekki allir jafn heppnir og við að hafa afnot af svona fínum garði eins og amma Svala á :)

En þið sjáið myndirnar hérna fyrir ofan sem voru teknar í dag í Húsdýragarðinum.

Þanga til næst knúsur, Mæja