Stál í stál

Skólaskemmtun í skólanum. við vorum indjánar.

ég og Bertha María vinkona mín. 

Að fjúga 

. 

.. 

Adam Elí 

ég 

Sævin 

Friðrik Daði 

Viktor Bjarki að flakka á netinu 

Karen Sif :) 

Afi Bjarni med Viktor Bjarka 

... 

.. 

... 

... 

og ég er líka alveg búin á því það er búið að vera svo mikið að gera. Í dag hittumst við öll heima hjá Guðnýju og skárum út í laufabrauð. Í lokin vorum við komin með 120 kökur. Ég skar þær nú ekki allar ein... Helgi, Daníel, Magnea, Fannar, Sævin, og mömmur og pabbar skáru líka einhverjar. Við sungum líka og dönsuðum með jólalögum og lékum okkur bara heilmikið saman. Síðan núna í kvöld fórum við í aðventumessu upp í kirkju. Við fengum öll kerti og svo í lokin voru ljósin slökkt og allir fengu ljós á kertin. Mér fannst þetta mest spennandi og beið allan tíman óþolinmóð eftir að fá að kveikja á mínu kerti.

Á laugardagskvöldið fór ég yfir til ömmu. Fannar og Freyja voru í næturpössun og amma bauð mér að vera líka. Maður sleppir ekki svoleiðis boði þannig að ég var mætt snemma á staðin til að taka á móti frændsyskinum mínum.

Svo er ég búin að gera fullt fleira, meira að segja setja upp jólaljósin á svalirnar. En af því ég hef verið svona lítið heima steingleymdist að læra fyrir morgundaginn... en það gerist ekki aftur.

Hafið það gott,
kveðja
María Fanney.

Margt og mikið búið að vera í gangi síðan síðast. Mamma og Viktor Bjarki skruppu til Svíþjóðar til Birnu og Snæbjarnar. Á meðan fékk ég að gista bæði hjá afa og ömmu í Kópavoginum og líka ömmu Svölu. Það var vel dekrað við mig þá helgi. Síðan er ég búin að fara í nokkur afmæli. Sigurgeir Andri varð 6 ára og Una Margrét 8 ára.
Skólinn gengur vel hjá mér, ég er farin að lesa alveg heilmikið, en mér finnst það ekkert sérstaklega skemmtilegt. Mamma fór í foreldraviðtal og kennarinn sagði henni heilmikið sem kom mömmu verulega á óvart. Ég er víst orðin pínu stríðin og tala stundum meira en læra. Það lagast vonandi fljótt því ég var færð á annað borð þar sem eru börn sem taka ekki þátt í stríðni og blaðri... það þarf ekki að taka það fram að ég kannast ekki við neitt af því sem kennarinn sagði.

Gabríl Máni frændi minn klukkað mig, en þar sem ég er búin að koma með 5 staðreyndir um mig ætla ég að segja ykkur 5 staðreyndir um hann Viktor Bjarka.
1. Hann er lítið tröllabarn. Stærri og sterkari en flestir 5 mánaða snáðar.
2. Hann rífur í hár og tosar fast fast fast.
3. Honum kítlar alveg svakalega, það er samt alveg bannað að kítla hann.
4. Hann er að taka tennur, eða við höldum það því honum klæjar mjög mikið og slefar enn meira.
5. Hann er ljúfur og góður og grætur nær aldrei er alltaf í góðu skapi og bestasti bró sem hægt er að eiga.

Ætli við látum þetta ekki duga í bili,
knúsur
Mæja

Elsku besti pabbi minn til hamingju með daginn :)

Viktor Bjarki á líka 5 mánaða afmæli í dag. Hann var að koma frá hjúkkunni sem mældi hann á alla vegu. Núna er hann orðin 9 kíló og 250 gr. og 68,5 cm. Hann er s.s duglegur að stækka. Hann fékk líka sprautu í rassinn og eins og allir stórir strákar fór hann ekkert að gráta.

Af mér er allt gott að frétta. Ég fékk að gista hjá ömmu Svölu í nótt því mamma og pabbi voru að vesenast í gærkvöldi. Viktor Bjarki fékk að vera hjá Guðnýju og strákunum og hefur örugglega verið knúsaður í kaf.

sjáumst!

Bara að láta ykkur vita að reiknisbókin er fundinn! Það er stundum þannig þegar maður heldur að það sé búið að leita allstaðar þá er einn staður eftir sem maður fattar ekki að leita á. Við vorum svo vitlausar að leita ekki inn í myndaalbúminu mínu. Hvernig bókinni dat í hug að hanga þar í heila viku vitum við ekki...

Við fengum skemmtilega heimsókn í gær. Fellibylurinn Eadóra kom til okkar. Þetta er ekki alvöru fellibylur heldur bráðum tveggja ára nágranni okkar. Hún talar mjög lítið en það sem hún segir er á útlensku. Það er svo sem allt í lagi að hún tali bara útlensku en það er verra að hún skilur ekki það sem við segjum við hana. Eftir mjög stutta stund var allt það sem var á borðum og hillum komið á gólfið og hellt úr því sem við geymdum í kössum. Þegar sjónvarpið var það eina sem stóð eftir en var samt á góðri leið á gólfið leiddum við Eadóru niður til mömmsunnar sinnar.

Þanga til næst,
yfir og úr :)
mæja mús