<$BlogRSDURL$>

laugardagur, mars 04, 2006

Í fréttum er þetta helst.. 

Ég er búin að vera í vetrafríi í skólanum. Það var fínt að fá að hvíla sig á skólanum og bókunum. Reyndar var ég búin að vera pínu veik áður en vetrafríið kom þannig að ég gat náð mér að fullu í fríinu. Ég er orðin mjög dugleg að lesa og stundum (þegar ég nenni) skrifa ég sjálf í sögubókina mína. Svo gengur fínt með stærðfræðina þannig að ég og skólinn erum í góðum málum.
Í dag erum við búin að vera heima og ég hef mest verið heima hjá Friðriki Daða vini mínum. Við erum ægilega góðir vinir og stöndum þétt saman þegar hallar á annað okkar. Mamma hans og pabbi eru líka mjög góð við mig og mér er boðið í mat til þeirra nokkrum sinnum í viku.

Mamma er byrjuð að vinna og pabbi kominn í feðraorlof. Mömmu finnst ægilega erfitt að sjá okkur ekkert fyrr en það er næstum komið kvöld og þá er allavega Viktor Bjarki orðinn svo stúrinn að hann vill bara kúra og láta halda á sér. En okkur líður alveg ljómandi vel með að hafa pabba heima og heimilið farið að líkjast öðrum heimilum... allt strokið og fínt :)

Í dag er Viktor Bjarki 9 mánaða. Hann kemur sér enn áfram á rassinum, en það er verið að æfa hann í að skríða á fjórum fótum, því það er víst mjög nauðsynlegt að börn læri það. Það nýjasta nýja sem hann var að læra er að drekka úr röri, svo vantar bara smá upp á að hann geti staðið upp við borðið. Hann er alltaf að toga sig upp en vantar aðeins meiri kraft. Hann er enn bara með 5 tennur en 6. er á leiðinni. Hann sefur næstum allar nætur og fær bara brjóst á kvöldin.. svei mér þá hann er bara að verða fullorðinn :))

... fleira er ekki fréttum í bili.
látum nýjar myndir inn bráðlega þannig að kíkið endilega fljótlega aftur
knúsur
María

Comments: Skrifa ummæli

This page is powered by Blogger. Isn't yours?