Stál í stál

Langt síðan við höfum skrifað hérna inn. Það er allt það besta að frétta af okkur. Við erum búin að hafa það mjög gott. Krakkarnir eru alltaf af að þroskast og stækka reyndar við foreldrarnir líka:) María er hætt í sundinu og byrjuð í fimleikum í staðinn. Hún fílar það mjög vel, það eru nokkrar stelpur úr skólanum í sama hóp og hún þannig að þetta er aðeins meiri félagskapur í þessu en sundinu. Skólinn gengur svona lala. Henni finnst alveg rosalega leiðinlegt að læra og stundum getur heimalærdómurinn gert út af við alla fjölskylduna..heheh. Hún hefur líka svo mikið annað að gera en að læra. Ef hún er ekki með vinkonum sínum þá er hún heima hjá Sævin frænda eða flækjast með okkur.
Viktor Bjarki er farinn að segja fleiri orð og við farin að skilja meira. Það er mjög sniðugt í leikskólanum er notað tákn með tali og okkur finnst það hafa hjálpað honum heilmikið. Hann er með spiderman æði þessar vikurnar og verða fötin helst að vera með mynd af spiderman til að koma honum í þau :) Hann er líka farinn að segja PLÍSSSS mamma! þegar hann er að suða. Það virkar mjög vel því mér finnst þetta svo fyndið. Okkur gengur ekki vel að venja hann af bleiu. En ég held að það komi um leið og við gefum okkur tíma.
Sævin er orðinn 5 mánaða. Hann var rétt rúm 8 kíló og bráðum 69 cm. Hann er farinn að sitja sjálfur í smá stund og finnst alveg rosalega leiðinlegt að liggja flatur á teppinu. Hann er farinn að sofa vel á nóttunni vaknar bara tvisvar til að fá að drekka.
Svo er nýr fjölskuldumeðlimur. Hann heitir Gosi og er hamstur. Hann er stór og með stórar tennur. Hann hefur bitið nokkrum sinnum þess vegna erum við frekar hrædd við hann og knúsumst ekki mikið með hann. Í staðinn keyptum við svona kúlu sem hann fer inn í og hleypur um alla íbúð í. Við vonumst til að hann venjist okkur fljótlega svo við getum farið að leika meira við hann.
bless í bili.